Торрент портал без регистрации.

Qirg‘iziston poytaxtida havaskor yoshlar ko‘chadagi piyodalar o‘tish joyi – “zebra” yo‘lakchasini uch o‘lchamli ko‘rinishga keltirishdi. Uning surati Facebook ijtimoiy tarmog‘idagi “Toshkent haydovchilari” guruhiga joylangan.

“Zebra” tasvirlangan surat guruhga 28-mart kuni kechki payt joylangan va u 220 dan ortiq foydalanuvchiga ma’qul bo‘lgan. Izohlarda esa bunga har xil fikrlar bildirilgan.

Albatta, ishonarli tarzda chizilgani, surat jonli chiqqani yaxshi, ammo masalaning boshqa tomoni ham bor: bu “zebra” haydovchilarni chalg‘itishini nazarda tutib, o‘zining oldidan to‘satdan shunday manzara chiqib qolishini istamasligini bayon etgan.

Suratni guruhga joylagan foydalanuvchi esa buning hatto xavfli ekanligini ta’kidlagan. Cho‘chib ketgan haydovchilar birdaniga tormozni bosib, avtohalokatga sabab bo‘lishlari mumkinligini bildirgan.

Guruh ishtirokchilaridan biri buning hech bir xavfli joyi yo‘qligini, ayni tasvir faqat bitta nuqtadan shunday uch o‘lchamli ko‘rinishini bayon etgan.

Nima bo‘lganda ham, bu g‘oya kishini ta’sirlantiradi, nima dedingiz?