Suratkash Windows XP fonining kelib chiqishini izohladi
Windows XP ish stolining foni sifatida mashhur bo‘lgan “Xotirjamlik” (Bliss) tasvirining kelib chiqishiga amerikalik fotograf Charlz O’Rier izoh berdi. Bu haqda Sploid xabar berdi, deb yozadi Look At Me.
Saytda ko‘rsatilgan va YouTube’ga joylangan videolavhadan ko‘rinadiki, “Xotirjamlik” oddiygina fotosuratdir. O’Rier uni 1996-yili Mamiya RZ67 kamerasi yordamida tushirgan. Tasvirga hech qanday raqamli ishlov berilmagan.
“Xotirjamlik” fotosurati dunyodagi eng keng tarqalgan tasvirlardan biriga aylandi. Bundan tashqari, u Microsoft kompaniyasiga ilhom bag‘ishlab, Windows XP’ning “Ha, sen uddalaysan” nomli reklama kampaniyasi yaratilishiga sabab bo‘lgan. Kampaniyaning byudjeti 200 million dollarni tashkil etgan.
Windows XP operatsion tizimi Microsoft tomonidan 2001-yilning 25-oktabrida chiqarilgan. Net Applications bergan ma’lumotlarga ko‘ra, 2014-yilning yanvarida u ommaboplik bo‘yicha Microsoft’ning barcha operatsion tizimlari orasida ikkinchi o‘rinni egallaydi. Windows XP Service Pack 3 texnik qo‘llab-quvvatlashni Microsoft 2014-yilning 8-aprelida to‘xtatdi.
![WINDOWS ZVER DVD FINAL 2014.5 + ALKID SE (Х86) (2014) [RUS]](/_ld/3/45644305.jpg)