Торрент портал без регистрации.

O‘zbekiston xalq artisti Murod Rajabov “Muqimiy” musiqali drama teatri rahbari lavozimidan 3-mart kuni ketdi. Sayyod.Uz sayti xabariga ko‘ra, 2010-yildan beri teatr jamoasiga rahbarlik qilib kelgan Rajabov teatrdagi “o‘zaro ichki nizo” sabab iste’foga chiqqan.

Sayyod.Uz’ning yozishicha, hozirgi vaqtda teatr jamoasi ikki guruhga ajralib qolgan. Bir guruh aktyorlar O’zbekiston xalq artisti Mirza Azizov atrofida birlashib, Murod Rajabovning ketishiga sabab bo‘lgan, boshqa bir guruh esa aynan Rajabovning tarafini olib chiqmoqda. “Arizalar ketma-ketligi turli mutasaddi idoralaru, huquqni himoya qiluvchi organlar eshigini ‘taqillatmoqda’”, – deb yozadi sayt.

Xabar berishlaricha, fevral oyida Mirza Azizov “Hordiq” gazetasiga “Komediyani oyoqosti qilib bo‘ldik” nomli intervyu bergan. “Teatr xodimlari bu intervyudan o‘zini haqoratlangandek, teatr sha’niga dog‘ tushirishdek qabul qilmoqda”, – deb yozadi Sayyod.Uz xabariga asoslangan holda “Kun” nashri.

Murod Rajabovning yonini olayotgan aktyorlar, xususan, O‘zbekiston xalq artisti Noila Po‘latovaning so‘zlariga ko‘ra, Rajabovning rahbarlik davrida teatr rejasi 148 foizga o‘sgan, teatrning o‘zida axloqsizlik, buzuqchilik va “hatto ichkilikbozlik”ka ham chek qo‘yilgan.

“Hozirgi vaqtda teatrdagi holatni achinarli deyishmoqda. Aktyorlar istalgan liboslarida sahnaga chiqib ketishi va ssenariydan ham chetlashib, og‘ziga kelgan narsalarni aytib yuborishi holatlari yuz berayotganini ta’kidlashmoqda”, – deb yozadi Sayyod.Uz.